Савет маладых вучоных

У Інстытуце паспяхова функцыянуе Савет маладых вучоных, які з'яўляецца састаўной часткай Савета маладых вучоных Нацыянальнай акадэміі навук Беларусі. У яго склад уваходзяць навукоўцы, якія не дасягнулі 35 гадоў.

З 2020 года і па цяперашні час старшыня Савета маладых вучоных – А. М. Шарэнка, загадчык сектара фінансаў інстытута:

Актыў Савета маладых вучоных інстытута (кастрычнік 2023 года)

Дзейнасць Савета маладых вучоных

Маладзёжная палітыка інстытута ўключае ключавыя напрамкі, вызначаныя пастановай Савета Міністраў Рэспублікі Беларусь ад 29 студзеня 2021 г. № 57 "Аб Дзяржаўнай праграме "Адукацыя і маладзёжная палітыка" на 2021–2025 год": героіка-патрыятычнае і духоўна-маральнае выхаванне актыўнай грамадзянскай пазіцыі; грамадскі ўдзел і ініцыятыва; прафесійная самарэалізацыя, кар'ерны рост, маладзёжнае прадпрымальніцтва; сямейныя каштоўнасці; фарміраванне здаровага ладу жыцця; садзейнічанне рэалізацыі права моладзі на працу.

Савет маладых вучоных самастойна, а таксама ў супрацоўніцтве з прафсаюзным камітэтам інстытута арганізуе розныя мерапрыемствы з мэтай актывізацыі навукова-даследчай дзейнасці маладых вучоных, аказвае пасільную дапамогу ў вырашэнні матэрыяльна-жыллёвых праблем і стварэнні спрыяльнага псіхалагічнага клімату ў калектыве. Акрамя таго, маладыя вучоныя актыўна ўдзельнічаюць у падрыхтоўцы і правядзенні культурна-масавых, спартыўных мерапрыемстваў, а таксама мерапрыемстваў, прысвечаных знакавым датам і падзеям.

У рамках штогадовай міжнароднай канферэнцыі маладых вучоных Нацыянальнай акадэміі навук Беларусі "Моладзь у навуцы" у Інстытуце сістэмных даследаванняў у АПК НАН Беларусі сіламі бюро Савета маладых вучоных арганізавана работа секцыі аграрных навук. У яе рабоце прымаюць удзел маладыя вучоны не толькі Аддзялення аграрных навук Нацыянальнай акадэміі навук Беларусі, але і іншых аддзяленняў НАН і навукова-даследчых арганізацый рэспублікі і замежных краін.

Маладыя вучоныя інстытута актыўна вядуць навуковую дзейнасць па розных напрамках у галіне эканомікі аграпрамысловага комплексу. Іх распрацоўкі неаднаразова адзначаліся і былі ўдастоены ўзнагарод і прэмій, выступленні і дасягненні высока ацэньваліся на канферэнцыях, конкурсах і ў рэальным сектары АПК.

Аспіранты і маладыя вучоныя інстытута неаднаразова прызнаваліся пераможцамі конкурсу на стыпендыю Прэзідэнта (Урада) Рэспублікі Беларусь.

У апошнія гады дзякуючы ўсебаковай падтрымцы Старшыні Прэзідыума НАН Беларусі Гусакова В.Г. Савет маладых вучоных Інстытута прыняў удзел у цэлым шэрагу буйных мерапрыемстваў: Еўразійскі форум маладых вучоных, Школа маладых вучоных "Вучоны пад ключ", Фестываль навукі, Маладзёжны конкурс "100 талентаў НАН Беларусі", "100 ідэй для Беларусі", Unicorns SCO, ПІНСК ІНВЕСТ УІКЕНД – 18., Рэспубліканскі конкурс інавацыйных праектаў "Лепшы маладзёжны інавацыйны праект", "100 інавацый маладых вучоных" і інш.

ГІСТОРЫЯ ПЕРАЎТВАРЭННЯ