У 1956 г. на падставе пастановы ЦК КПБ і Рады Міністраў Беларускай ССР ад 5 красавіка 1956 г. № 174 і пастановы ЦК КПСС ад 16 ліпеня 1956 г., а таксама загада міністра сельскай гаспадаркі БССР ад 25 кастрычніка 1956 г. № 309-К быў арганізаваны Беларускі навукова-даследчы інстытут эканомікі і арганізацыі сельскагаспадарчай вытворчасці (БелНДІЭАСГ). Пад цяперашняй назвай інстытут працуе з 2008 г. Падпарадкаваны Нацыянальнай акадэміі навук Беларусі.

Сёння Інстытут сістэмных даследаванняў у АПК НАН Беларусі – вядучая ў краіне навуковая ўстанова, якая праводзіць даследаванні ў галіне аграрнай эканомікі і мае высокакваліфікаваныя навуковыя кадры. Функцыянуюць 3 навукова-даследчыя аддзелы, якія ўключаюць 13 навукова-даследчых сектараў.

Інстытут актыўна працуе з сельскагаспадарчымі і перапрацоўчымі прадпрыемствамі, асабістымі падсобнымі і фермерскімі гаспадаркамі, органамі дзяржаўнага кіравання, буйнымі гандлёвымі і прамысловымі прадпрыемствамі, якія далучылі сельгаспрадпрыемствы, замежнымі кампаніямі і міжнароднымі ўстановамі, на пастаяннай аснове ўзаемадзейнічае з шэрагам навуковых арганізацый і ўстаноў блізкага і далёкага замежжа, з Еўразійскай эканамічнай камісіяй, Харчовай і сельскагаспадарчай арганізацыяй Аб'яднаных Нацый (ФАО).

На базе інстытута дзейнічаюць аспірантура і дактарантура, функцыянуе спецыялізаваны савет па абароне кандыдацкіх і доктарскіх дысертацый, рэгулярна праводзяцца міжнародныя канферэнцыі, рэспубліканскія семінары, круглыя сталы і іншыя навуковыя мерапрыемствы. Найбольш значныя вынікі даследаванняў знаходзяць адлюстраванне ў навуковых публікацыях.

Структура інстытута

Кіраўніцтва інстытута

Савет па абароне дысертацый

Эксперты

Прафсаюз

Канферэнцыі. Форумы. Круглыя сталы

Савет маладых навукоўцаў