Удзел у рабоце Міжурадавага савета па пытаннях аграпрамысловага комплексу СНД

18 верасня 2025 г. намеснік дырэктара па навуковай рабоце С. А. Кандраценка ў складзе дэлегацыі Рэспублікі Беларусь прыняла ўдзел у чарговым пасяджэнні Міжурадавага савета па пытаннях аграпрамысловага комплексу СНД у г. Душанбэ (Рэспубліка Таджыкістан).

Быў прадстаўлены даклад арганізацыі-распрацоўніка – Дзяржаўнага прадпрыемства “Інстытут сістэмных даследаванняў у АПК НАН Беларусі” аб падрыхтоўцы праекта новай рэдакцыі Пагаднення аб міждзяржаўных узаемаадносінах па пытаннях аграпрамысловага комплексу ад 29 сакавіка 1993 года.

Міністрам сельскай гаспадаркі і харчавання Рэспублікі Беларусь Ю. М. Гарлавым, які ўзначальваў беларускую дэлегацыю, па гэтым пытанні адзначана, што Пагадненне мае найважнейшае значэнне для ўмацавання традыцыйных гандлёва-эканамічных сувязяў дзяржаў-удзельніц, а паслядоўная рэалізацыя выкладзеных у дакуменце напрамкаў будзе садзейнічаць эфектыўнаму выкарыстанню рэсурснага патэнцыялу для вытворчасці канкурэнтаздольнай аграхарчовай прадукцыі і найлепшаму задавальненню патрэбнасцей агульнага аграрнага рынку СНД. Прапанавана адобрыць праект Пагаднення ў мэтах далейшай эфектыўнай работы па іншых стратэгічных дакументах і ініцыятывах СНД.

Праект Пагаднення ў цэлым адобраны членамі Міжурадавага савета па пытаннях АПК СНД, работа па яго ўзгадненні і прасоўванні будзе прадоўжана.