Супрацоўнікі інстытута прынялі ўдзел у навукова-практычным семінары " Селекцыя і насенняводства шматгадовых траў у Рэспубліцы Беларусь на сучасным этапе развіцця»

31 студзеня 2024 г. на базе РУП «Навукова-практычны цэнтр НАН Беларусі па земляробстве» (г. Жодзіна) адбыўся навукова-практычны семінар «Селекцыя і насенняводства шматгадовых траў у Рэспубліцы Беларусь на сучасным этапе развіцця», у якім прынялі ўдзел супрацоўнікі інстытута.

Гарбатоўскі А. В., кандыдат эканамічных навук, дацэнт, загадчык сектара эканомікі галін, і Лобан А. Г., магістр эканамічных навук, навуковы супрацоўнік сектара эканомікі галін, прадставілі даклад на тэму «Шматгадовыя травы: эканамічная эфектыўнасць вырошчвання», у якім адзначылі ўплыў інтэнсіўнага вырошчвання шматгадовых траў на фарміраванне высокай прадуктыўнасці жывёл і нарошчванне аб'ёмаў вытворчасці. Асаблівая ўвага была ўдзелена сучаснаму ўзроўню пажыўнасці кармоў і забяспечанасці іх пратэінам для галіны жывёлагадоўлі, структуры рацыёнаў кармлення буйной рагатай жывёлы ў абласным разрэзе. Зроблены акцэнт на важнасць правядзення эканамічнай ацэнкі эфектыўнасці вырошчвання кармавых культур.