Выязное пасяджэнне Савета маладых вучоных Аддзялення аграрных навук НАН Беларусі

На базе РУП “Інстытут рыбнай гаспадаркі" 17 кастрычніка 2023 г. адбыўся сход Савета маладых вучоных Аддзялення аграрных навук. У пасяджэнні ад нашага інстытута прыняў удзел загадчык сектара фінансаў А. М. Шарэнка.

Дырэктар Інстытута рыбнай гаспадаркі У. Ю. Агеец выступіў з прывітальным словам і прадставіў асноўныя навуковыя напрамкі інстытута. Намеснік дырэктара па навуковай рабоце У. Г. Кастоусаў пазнаёміў з перспектывамі і асаблівасцямі рыбаводства і рыбалоўства ў Беларусі.

Маладыя вучоныя азнаёміліся з вытворчай базай для правядзення навукова-практычных даследаванняў па селекцыі карпа і адным з этапаў на племянным участку «Ізабеліна» ў Маладзечанскім раёне.