Рэспубліканскі турыстычны злёт работнікаў адукацыі і навукі 2023 года

У Бярэзінскім раёне, на базе Турыстычнага цэнтра «Юнацтва» д. Жорнаўка 23-25 чэрвеня прайшоў Рэспубліканскі турыстычны злёт работнікаў адукацыі і навукі 2023 года. У турзлёце прынялі ўдзел звыш 300 чалавек у складзе 9 каманд, якія прадстаўляюць рэгіянальныя арганізацыі Прафсаюза, галіновую прафсаюзную арганізацыю Нацыянальнай акадэміі навук Беларусі, зборную каманду першасных прафсаюзных арганізацый УПА г. Мінска.

У склад аб'яднанай каманды НАН Беларусі ўвайшлі 4 работнікі Інстытута: Арцюшэўскі Мікалай Уладзіміравіч, Шарэнка Аляксандр Мікалаевіч, Седнеў Яўген Віктаравіч, Ермольчык Ева Эдуардаўна. Акрамя ўдзелу ў спаборніцтвах Арцюшэўскі М. В. і Седнеў Е. В. ажыццяўлялі падрыхтоўку каманды па тэхніцы воднага турызму, Шарэнка А. М. рыхтаваў каманду па тэхніцы пешаходнага турызму. Каманда заняла агульназачатнае 6 месца.

Судзейскі склад адзначыў значнае паляпшэнне вынікаў каманды НАН Беларусі па ўсіх відах спаборніцтваў, што дасягнута дзякуючы мэтанакіраванай рабоце ўсіх удзельнікаў.

Падрабязней можна азнаёміцца на сайце Аб'яднанай галіновай прафсаюзнай арганізацыі работнікаў НАН: https://profnan.by/sport-i-tvorchestvo-kotorye-daryat-radost-rasskazyvae...