ЗМЕСТ
Эканоміка сельскай гаспадаркі
Галіна Рудчанка, Таццяна Малярэнка
Напрамкі рэфармавання аплаты працы кіраўнікоў сельскагаспадарчых арганізацый. С. 2-6
Рэзюмэ: У артыкуле абгрунтоўваецца важнасць вывучэння пытанняў стымулявання працы кіраўнікоў сельскагаспадарчых арганізацый. Прапануецца распрацаваная аўтарамі мадэль устанаўлення пачасова-прэміяльнай аплаты працы кіраўнікоў на аснове плаваючых акладаў, з прымяненнем комплекснага паказчыка матэрыяльнага стымулявання. Апошні прапануецца вызначаць у залежнасці ад стану развіцця арганізацыі. Прымяненне прапанаванай мадэлі дасць магчымасць ажыццяўляць больш дэталёвую дыферэнцыяцыю акладаў кіраўнікоў у залежнасці ад вынікаў дзейнасці сельгасарганізацый, забяспечваць узнагароду за эфектыўнае кіраўніцтва, узмацніць прадпрымальніцкую актыўнасць кіраўнікоў у справе вырашэння задач, звязаных з павышэннем эфектыўнасці функцыянавання сельскагаспадарчых арганізацый.
Наталля Манько
Вопыт прымянення адзінай тарыфнай сеткі як інструмента стымулявання працы. С. 7-10
Рэзюмэ: У артыкуле абагульнены вопыт, назапашаны канкрэтнай аграпрамысловай арганізацыяй у працэсе творчага выкарыстання Адзінай рэспубліканскай тарыфнай сеткі ў адпаведнасці з Указам Прэзідэнта Рэспублікі Беларусь ад 10 мая 2011 г. № 181. Гэты вопыт уяўляе цікавасць і для іншых гаспадарчых арганізацый.
Людміла Скарапанава
Асаблівасці рэгулявання зямельных адносін малых формаў гаспадарання ў аграрнай сферы. С. 11-23
Рэзюмэ: Выкладзены асаблівасці зямельных адносін як спецыфічнай сферы вытворчых адносін, якія ўзнікаюць паміж людзьмі ў працэсе валодання, карыстання і распараджэння зямлёй. Адзначана, што землі Рэспублікі Беларусь выкарыстоўваюцца ў адпаведнасці з адзінай дзяржаўнай палітыкай. Разгледжаны асноўныя элементы эканамічнага механізма рэгулявання зямельных адносін. Праведзены параўнальны аналіз асаблівасцей рэгулявання зямельных адносін у краінах удзельніцах Адзінай эканамічнай прасторы (АЭП) і Мытнага саюза (МС) (у 2014 г. Рэспубліцы Беларусь, Расійскай Федэрацыі і Рэспубліцы Казахстан).
Ірына Кісель
Сутнасць і функцыі падатковага менеджменту на прадпрыемствах. С. 24-29
Рэзюмэ: Прапанавана аўтарскае вызначэнне паняцця падатковы менеджмент (у дачыненні да яго рэалізацыі на прадпрыемствах). Раскрыта сутнасць дадзенага паняцця, якая праяўляецца ў рацыянальным выкарыстанні такіх узаемазвязаных функцыянальных элементаў кіравання, як падатковае планаванне, аналіз, улік, кантроль, рэгуляванне, матывацыя, узаемадзеянне з навакольным асяроддзем.
Ірына Мірачыцкая, Вольга Марчук
Абгрунтаванне рацыянальнай асартыментнай структуры прадукцыі прадпрыемства метадам рангавога аналізу. С. 30-35
Рэзюмэ: На прыкладзе КУП Мінская агароднінная фабрыка разгледжана методыка ўдасканалення асартыментнай структуры гародніны, якая вырошчваецца, з выкарыстаннем метаду рангавага аналізу па праграме STATISTIKA.
Павел Любецкі
Асаблівасці стратэгічнага маркетынгу ў мясаперапрацоўчай галіне АПК. С. 36-40
Рэзюмэ: Прадстаўлены вынікі даследаванняў спецыфікі стратэгічнага маркетынгу ў сферы харчовага падкомплексу АПК. Вызначаны фактары, якія стрымліваюць развіццё стратэгічнага маркетынгу, і ўстаноўлены прычыны неабходнасці яго шырэйшага выкарыстання ў аграрнай сферы. На прыкладзе мясаперапрацоўчай галіны аграпрамысловага комплексу выяўлены і аргументаваны спецыфічныя галіновыя асаблівасці, якія трэба ўлічваць у працэсе ўкаранення і ажыццяўлення стратэгічнага маркетынгу.
Праблемы галін аграпрамысловага комплексу
Дзмітрый Шырокі
Сярэднежыццёвая дойнасць як асноўны эканамічны паказчык прадуктыўнасці каровы. С. 41-47
Рэзюмэ: Прапанавана выкарыстоўваць паняцце сярэднежыццёвая дойнасць у якасці зручнага абагульненага паказчыка эканамічнай эфектыўнасці каровы (статка), які ўлічвае як дойнасць жывёл у лактацыйны перыяд, так і іх прадуктыўнае даўгалецце індывідуальна або ў сярэднім па статку. У адрозненне ад разгляданых па асобнасці дойнасці і ўзросту выбракоўвання, паняцце сярэднежыццёвай дойнасці добра адлюстроўвае эканамічную аддачу на карову і павінна быць шырока ўведзена ў мэтавыя і справаздачна-статыстычныя паказчыкі малочнай галіны. Прапанавана ажыццяўляць аналіз і планаванне развіцця малочнай вытворчасці ў каардынатах лактацыйная дойнасць прадуктыўнае даўгалецце каровы, з ізалініямі сярэднежыццёвай дойнасці. У якасці прыкладу на аснове адкрытых статыстычных даных прааналізаваны доўгатэрміновыя трэнды развіцця малочнай жывёлагадоўлі ў ЗША і Нідэрландах.
Алена Турук
Эканамічная эфектыўнасць выкарыстання біяфунгіцыду бэтапратэкцін, Ж і фунгіцыдаў пры апрацоўцы цукровых буракоў у перыяд вегетацыі і перад захоўваннем карняплодаў. С. 48-53
Рэзюмэ: У артыкуле прадстаўлены вынікі ацэнкі эканамічнай мэтазгоднасці прымянення прэпарата бэтапратэкцін, Ж у перыяд вегетацыі цукровых буракоў і пры закладцы карняплодаў дадзенай культуры на захоўванне.
Устаноўлена, што прымяненне згаданага біяфунгіцыду з нормай 1,0 л / га ў перыяд вегетацыі, у фазу 2-х4-х лісця або перад змыканнем радкоў апраўдана на пасевах, прызначаных для закладкі на працяглае захоўванне.
Эканамічна апраўданым з'яўляецца комплекснае выкарыстанне бэтапратэкціну, Ж у фазу 2-х4-х лісця (1,0 л/га) і пры закладцы карняплодаў на захоўванне (0,5 л/т).
Ужыванне разгляданага прэпарата з нормай выдатку 0,5 л/т для апрацоўкі цукровых буракоў перад закладкай у кагаты працяглага захоўвання эканамічнай выгадна, калі карняплоды маюць ад 5% да 25% пашкоджанай паверхні.
Мікалай Лобан, Дзмітрый Каспіровіч, Аляксей Чарноў
Эфектыўнасць выкарыстання гена muc4 ў якасці маркера прадуктыўных якасцяў свіней беларускай буйной белай пароды. С. 54-59
Рэзюмэ: У выніку праведзеных даследаванняў вывучаны палімарфізм і вызначана эканамічная эфектыўнасць выкарыстання розных генатыпаў гена MUC4 у свіней беларускай буйной белай пароды. Выяўлена, што з павелічэннем канцэнтрацыі алеля MUC4C павялічвалася захаванасць і колькасць рэалізуемага маладняку, што станоўча адбівалася на эканамічнай эфектыўнасці. Найлепшымі паказчыкамі характарызаваўся маладняк, атрыманы ад пажаданага спалучэння бацькоўскіх генатыпаў MUC4CC MUC4CC, эканамічны эфект ад рэалізацыі якога склаў 114933,1 тыс. руб., або 41047,5 у.а.
Наталля Малашэнкава
Супярэчнасці экалагічных экстэрналій біяпаліўнага рынку. С. 60-64
Рэзюмэ: Знешнія эфекты біяпаліўнага рынку з'яўляюцца вынікам узаемадзеяння двух розных сектараў сельскагаспадарчага і энергетычнага. Такі від экалагічных знешніх эфектаў можна вызначыць як ўзаемадзейнічаюць экстэрналіі. Яны могуць быць адначасова і дадатнымі, і адмоўнымі. Таму для вызначэння аптымальных інструментаў дзяржаўнай палітыкі неабходны аналіз эколага-эканамічных наступстваў рэгулявання біяпаліўнага рынку..
Замежны вопыт
Вольга Галавач
Вопыт дзяржаўнага рэгулявання і падтрымкі аграрнага сектара эканомікі за мяжой. С. 65-68
Рэзюмэ: У артыкуле прааналізаваны сучасны замежны вопыт інвестыцыйнай дзейнасці ў сферы аграрнай эканомікі. Разгледжаны асноўныя формы і напрамкі дзяржаўнай падтрымкі сельскай гаспадаркі, выяўлены ўласцівыя розным краінам асаблівасці практыкі дзяржаўнага субсідзіравання і крэдытавання аграрнага сектара. З улікам тэндэнцый сусветнай эканомікі дадзена ацэнка сучаснага стану і перспектыў развіцця дзяржпадтрымкі сельскагаспадарчай вытворчасці..
Даведачная інфармацыя
Новыя паступленні ў фонд Беларускай сельскагаспадарчай бібліятэкі ім. І. С. Лупіновіча. (І. Фаміна). С. 69-71
Памяці Зінаіды Макараўны Ільіной. С. 72