Нарадзіўся ў 1933 г. у в. Жэраціна Мсціслаўскага раёна Магілёўскай вобласці.

Асноўныя напрамкі навуковай дзейнасці – абгрунтаванне пашыранага ўзнаўлення эканамічнай урадлівасці глеб ва ўмовах інтэнсіфікацыі сельскай гаспадаркі, арганізацыі больш рацыянальнага выкарыстання біякліматычнага патэнцыялу Беларусі, спецыялізацыі сельскагаспадарчай вытворчасці ва ўмовах пераходнага перыяду ў рынкавых умовах; гістарычных вех пераадолення крызісных сітуацый у сельскай гаспадарцы Беларусі.

На працягу шэрагу гадоў з'яўляўся членам Прэзідыума Заходняга аддзялення УАСГНІЛ, намеснікам старшыні вучонага савета Мінсельгасхарча Рэспублікі Беларусь і старшыні Міжведамаснага навуковага савета Акадэміі навук БССР Заходняга аддзялення УАСГНІЛ па фундаментальных праблемах сельскагаспадарчай навукі, членам рэдакцыйнай калегіі часопіса «Известия Акадэміі навук БССР».

Абараніў дысертацыі на суісканне вучонай ступені кандыдата сельскагаспадарчых навук «Вегетатыўнае размнажэнне агрэста ва ўмовах БССР» (1961 г.) і на суісканне вучонай ступені доктара эканамічных навук «Пашыранае ўзнаўленне эканамічнай урадлівасці глеб ва ўмовах інтэнсіфікацыі сельскай гаспадаркі: на прыкладзе Беларускай ССР г.)» (1991 г.).

Член савета па абароне дысертацый Д01.48.01 пры Інстытуце сістэмных даследаванняў у АПК НАН Беларусі (2000–2003 гг.).

Аўтар каля 100 навуковых прац, з якіх 4 манаграфіі.

Узнагароджаны медалём «За доблесную працу. У азнаменаванне 100-годдзя з дня нараджэння У. І. Леніна», дзвюма Ганаровымі граматамі Вярхоўнага Савета БССР.