12. Стратэгія канкурэнтаздольнасці прадпрыемстваў малакаперапрацоўчай галіны Беларусі: тэорыя, метадалогія, практыка

УДК 637.133:339.137

ББК 65.305.735

С83

Стратэгія канкурэнтаздольнасці прадпрыемстваў малакаперапрацоўчай галіны Беларусі: тэорыя, метадалогія, практыка / А. У. Піліпук [і інш.] ; пад рэд. У. Р. Гусакова. – Мінск : Інстытут сістэмных даследаванняў у АПК НАН Беларусі, 2011. – 212 с.

Матэрыял разгледжаны і ўхвалены на пасяджэнні вучонага савета Рэспубліканскага ўнітарнага навуковага прадпрыемства Інстытут сістэмных даследаванняў у АПК Нацыянальнай акадэміі навук Беларусі і рэкамендаваны да апублікавання (пратакол № 9 ад 17 чэрвеня 2011 г.)

Пад рэдакцыяй акадэміка НАН Беларусі У. Р. Гусакова.

Аўтары: А. У. Піліпук, Ф. І. Субач, М. І. Баранава, Л. А. Лапатнюк, Т. С. Проніна, В. А. Дуровіч.

Рэцэнзенты: доктар эканамічных навук, прафесар А. С. Сайганаў, кандыдат эканамічных навук, дацэнт Н. І. Салаўцоў.

У манаграфіі прадстаўлены асноўныя напрамкі доўгатэрміновай стратэгіі ўстойлівага і канкурэнтаздольнага развіцця малакаперапрацоўчай галіны. Выдзелена роля перапрацоўчай прамысловасці ў развіцці АПК, прапанаваны падыходы па фарміраванні ўзгодненых каналаў руху тавараў і адзінай збалансаванай наменклатуры малакапрадуктаў для рэалізацыі знешнегандлёвага патэнцыялу. Разгледжаны напрамкі ўдасканалення сістэмы якасці, эканоміі затрат, стварэння вертыкальна-інтэграваных маркетынгавых сістэм. Вызначаны падыходы да фарміравання механізма інавацыйнага развіцця малакаперапрацоўчай галіны.

Прызначана для кіраўнікоў і спецыялістаў арганізацый малочна-прадуктовага падкомплексу, органаў дзяржаўнага кіравання галіной, супрацоўнікаў навукова-даследчых інстытутаў, выкладчыкаў і студэнтаў навучальных устаноў сельскагаспадарчага профілю.