13. Класіфікацыйныя прыкметы і паняцці кааператыўна-інтэграцыйных адносін у АПК

Гусакоў, У. Р. Класіфікацыйныя прыкметы і паняцці кааператыўна-інтэграцыйных адносін у АПК / У. Р. Гусакоў, М. І. Запольскі. – Мінск: Інстытут сістэмных даследаванняў у АПК НАН Беларусі, 2011. – 32 с.

Матэрыял разгледжаны і адобраны на пасяджэнні вучонага савета Рэспубліканскага навуковага ўнітарнага прадпрыемства “Інстытут сістэмных даследаванняў у АПК Нацыянальнай акадэміі навук Беларусі” і рэкамендаваны да апублікавання (пратакол № 22 ад 19 верасня 2011 г.).

У рабоце прадстаўлены паняційны апарат кааперацыйна-інтэграцыйных адносін у сферы аграпрамысловай вытворчасці і распрацаваны класіфікацыйныя прыкметы такіх адносін ва ўмовах фарміравання рынку. Устаноўлена, што кааперацыя і інтэграцыя аб'ектыўныя эканамічныя катэгорыі, яны існуюць і развіваюцца на аснове ўсіх вядомых эканамічных законаў і заканамернасцей і з'яўляюцца адначасова мэтай, задачамі і вынікамі накіраванай чалавечай дзейнасці.

Аднак практыка прымянення тэрмінаў кааперацыя і інтэграцыя паказвае, што часта адбываецца блытаніна пры іх прымяненні ў тых ці іншых умовах дзейнасці і ўзаемадзеяння суб'ектаў гаспадарання.

Прызначана для навуковых супрацоўнікаў, кіраўнікоў і спецыялістаў прадпрыемстваў і арганізацый АПК, органаў дзяржаўнага і гаспадарчага кіравання.