Мерапрыемствы II З'езда навуковых саветаў Міжнароднай асацыяцыі акадэмій навук

3-6 чэрвеня 2025 г. вучоныя Інстытута сістэмных даследаванняў у АПК НАН Беларусі прынялі ўдзел у мерапрыемствах II З'езда навуковых саветаў Міжнароднай асацыяцыі акадэмій навук (МААН), які прайшоў у Кітаі, г. Цзінань.

У цяперашні час МААН аб'ядноўвае навуковыя арганізацыі з 27 краін: Беларусі, Расіі, Азербайджана, Арменіі, Казахстана, Узбекістана, Кітая, Малдавіі, В'етнама, Манголіі, Чарнагорыі, Грузіі і інш.

Адкрывалі работу З'езда выступленні віцэ-губернатара правінцыі Шаньдун Ван Гуін, кіраўніка МААН акадэміка У. Р. Гусакова, прадстаўнікоў Міністэрства навукі і тэхналогій КНР і віцэ-прэзідэнта Расійскай акадэміі навук акадэміка С. М. Алдошына.

На пленарнай сесіі, у ходзе якой свае даследаванні прадставілі дэлегацыі нацыянальных акадэмій навук Беларусі, Расіі, Арменіі, Узбекістана, Азербайджана, Кітая і іншых краін, дырэктар інстытута А. У. Піліпук выступіў з дакладам "Стратэгія нацыянальнай харчовай бяспекі Рэспублікі Беларусь: дасягнутыя вынікі і новыя задачы".

У час работы З'езда адбыліся таксама пасяджэнні секцый, на якіх вучоныя розных краін разгледзелі актуальныя напрамкі развіцця сучаснай навукі. Загадчык сектара фінансаў, старшыня СМВ ААН НАН Беларусі А. М. Шарэнка прадставіў прапановы па напрамках супрацоўніцтва Беларусі і Кітая ў галіне стварэння і выкарыстання тэхналогій для вытворчасці прадуктаў харчавання.