2. Развіццё карпаратыўнага інвесціравання ў аграпрамысловым комплексе Рэспублікі Беларусь (на прыкладзе арганізацый канцэрна «Белдзяржхарчпрам»)

УДК 330.322:338.436.33

Герасенка, А. У. Развіццё карпаратыўнага інвесціравання ў аграпрамысловым комплексе Рэспублікі Беларусь (на прыкладзе арганізацый канцэрна «Белдзяржхарчпрам») / А. У. Герасенка ; пад навук. рэд. А. У. Піліпука. – Мінск: Інстытут сістэмных даследаванняў у АПК НАН Беларусі, 2025. – 120 c. – ISBN 978-985-7297-37-5.

У манаграфіі прадстаўлены вынікі даследавання па пытаннях павышэння эфектыўнасці карпаратыўнага інвесціравання ў АПК Рэспублікі Беларусь на прыкладзе арганізацый канцэрна "Белдзяржхарчпрам", якія ўключаюць тэарэтычныя, метадычныя і практычныя напрамкі развіцця. Вывучаны і ўдакладнены тэарэтычныя асновы карпаратыўнага інвесціравання ў АПК. Праведзена сістэмна-структурная ацэнка сучаснага інвестыцыйнага патэнцыялу перапрацоўчай галіны Рэспублікі Беларусь, у тым ліку канцэрна «Белдзяржхарчпрам». Распрацаваны практычныя напрамкі павышэння эфектыўнасці выкарыстання інвестыцыйнага патэнцыялу арганізацый канцэрна «Белдзяржхарчпрам», а таксама прадстаўлена абгрунтаванне новых для айчыннай практыкі інструментаў.

Прызначана для кіраўнікоў і спецыялістаў арганізацый харчовай прамысловасці, органаў дзяржаўнага кіравання АПК усіх узроўняў, супрацоўнікаў навукова-даследчых інстытутаў, прафесарска-выкладчыцкага складу, дактарантаў, аспірантаў, магістрантаў і студэнтаў профільных устаноў адукацыі, а таксама слухачоў сістэмы павышэння кваліфікацыі і перападрыхтоўкі кадраў.

Матэрыял адобраны і рэкамендаваны да апублікавання на пасяджэнні вучонага савета Рэспубліканскага навуковага ўнітарнага прадпрыемства «Інстытут сістэмных даследаванняў у АПК Нацыянальнай акадэміі навук Беларусі» (пратакол № 20 ад 6 лістапада 2024 г.)

Рэцэнзенты:

доктар эканамічных навук, дацэнт Я. У. Гусакоў,

 кандыдат эканамічных навук, дацэнт Дз. В. Муха