Дзень адчыненых дзвярэй "Я – вучоны!"

20 мая Савет маладых вучоных Інстытута сістэмных даследаванняў у АПК НАН Беларусі пры падтрымцы адміністрацыі і прафсаюзнага камітэта правёў дзень адчыненых дзвярэй "Я – вучоны!".

Мерапрыемства ўключала:

удзел у інтэрактыўных зонах (дасягненні СМВ, інтэрв'ю на базе адукацыйнай платформы "Каласок", кінапаказ, фотазона);

экскурсійную і выставачную праграму;

дыскусійнае пасяджэнне.

У мерапрыемстве ўдзельнічала больш за 70 чал., на сустрэчу былі запрошаны студэнты з 5 вну краіны: БДЭУ, БНТУ, БІП, Інстытут бізнесу БДУ, БДСГА.

Студэнты, а таксама іх кіраўнікі са шчырай цікавасцю задавалі пытанні і цікавіліся навуковай дзейнасцю інстытута. На ўсе пытанні яны змаглі атрымаць адказы не толькі ад маладых вучоных, але і ад кіраўнікоў структурных падраздзяленняў. Сваім асабістым вопытам у навуковай сферы і карыснымі парадамі са студэнтамі падзяліўся дырэктар Інстытута сістэмных даследаванняў у АПК НАН Беларусі А. У. Піліпук і старшыня прафсаюзнага камітэта В. А. Лёўкіна.