Спецыяліст расказаў аб асноўных правілах гігіены працоўнага месца навуковага супрацоўніка
24 красавіка 2024 г. у Інстытуце сістэмных даследаванняў у АПК НАН Беларусі ў рамках мерапрыемстваў, прымеркаваных да Сусветнага дня аховы працы, адбылася сустрэча з урачом агульнай практыкі - загадчыкам аддзялення Установы аховы здароўя "29-я гарадская паліклініка" Цімашэнка Яўгеніяй Анатольеўнай, якая кваліфікавана і даступна расказала супрацоўнікам інстытута аб такім важным аспекце паспяховай навуковай дзейнасці, як захаванне гігіены на працоўным месцы.
Яўгенія Анатольеўна растлумачыла змест такога шырокага паняцця, як "гігіена рабочага месца", спынілася на важнасці захавання асноўных правілаў і прынцыпаў па кожным са складовых элементаў, папярэдзіла аб магчымых наступствах іх невыканання і расказала аб мерах прафілактыкі гэтых наступстваў. Пасля гэтага спецыяліст адказала на шэраг пытанняў у рамках тэмы, якая абмяркоўвалась.
Мерапрыемства выклікала жывую цікавасць і станоўчыя водгукі ў прысутных супрацоўнікаў.