Міжнародны семінар “ІУ і МУР: інавацыі і творчасць на карысць агульнай будучыні”

23 красавіка 2024 г. у г. Мінску адбыўся Міжнародны семінар «ІУ і МУР: інавацыі і творчасць на карысць агульнай будучыні», у якім прынялі ўдзел супрацоўнікі Інстытута сістэмных даследаванняў у АПК НАН Беларусі: А. В. Гарбатоўскі, загадчык сектара эканомікі галін, кандыдат эканамічных навук, дацэнт, А. А. Андрэенка, навуковы супрацоўнік сектара працоўных і сацыяльных адносін, У. В. Глобаж і А. Ю. Шаура, навуковыя супрацоўнікі сектара фінансаў.

З прывітальным словам да ўдзельнікаў семінара звярнуліся прадстаўнікі Дзяржаўнага камітэта па навуцы і тэхналогіях Рэспублікі Беларусь, Нацыянальнай акадэміі навук Беларусі, Міністэрства адукацыі Рэспублікі Беларусь, Сусветнай арганізацыі інтэлектуальнай уласнасці, якія падкрэслілі актуальнасць тэмы семінара, а таксама адзначылі важнасць крокаў і намаганняў, якiя рэалiзуюцца ў кантэксце дасягнення мэтаў устойлівага развіцця.

У рамках пленарнага пасяджэння выступілі айчынныя і замежныя спікеры, якія падкрэслілі важнасць узгаднення правоў інтэлектуальнай уласнасці з мэтамі ўстойлівага развіцця для стымулявання інавацый на агульную карысць. У рамках практыкума эксперты Еўразійскага патэнтнага ведамства, Нацыянальнага цэнтра інтэлектуальнай уласнасці, а таксама прадстаўнікі МАРГ і УБЭЗ МУС прадставілі навучальныя кейсы ў розных сферах закранутай праблематыкі: выкарыстанне таварных знакаў, геаграфічных указанняў і прамысловых узораў у мэтах аховы інтэлектуальнай уласнасці, інструменты антыманапольнага рэгулявання і супрацьдзеяння нядобрасумленным удзельнікам рынку і інш.