Дзень Канстытуцыі Рэспублікі Беларусь

У гэтым месяцы, 15 сакавіка 2024 г. адзначалі 30-годдзе Канстытуцыі Рэспублікі Беларусь. Гэта Асноўны Закон, які вызначае суверэннасць і незалежнасць нашай дзяржавы, прававы фундамент каштоўнасцей нашага народа.

Маладыя вучоныя Інстытута сістэмных даследаванняў у АПК НАН Беларусі (А. А. Андрэенка, У. В. Глабаж, Д. С. Сініла, А. М. Шарэнка, А. Ю. Шаура) у мэтах умацавання духу патрыятызму і грамадзянскай пазіцыі прынялі ўдзел у мерапрыемстве, арганізаваным прафсаюзным камітэтам і праведзеным ў Нацыянальнай акадэміі навук Беларусі –  “Канстытуцыя Рэспублікі Беларусь –  Асноўны Закон дзяржавы” у рамках Усебеларускай акцыі “Мы –  грамадзяне Беларусі”.

Моладзь інстытута з цікавасцю праслухала даклад Р. А. Васілевіча, члена-карэспандэнта НАН Беларусі, доктара юрыдычных навук, прафесара, заслужанага юрыста Рэспублікі Беларусь, загадчыка кафедры канстытуцыйнага права Беларускага дзяржаўнага ўніверсітэта, які расказаў пра гісторыю стварэння Канстытуцыі, структуру і галоўныя раздзелы Асноўнага Закона краіны, а таксама даклад Ю. В. Качуркі, кандыдата юрыдычных навук, дацэнта, начальніка ўпраўлення прававой і навукова-арганізацыйнай работы апарата НАН Беларусі – «Сям'я як канстытуцыйна-прававая катэгорыя».