І. І. Гудзіменка нарадзіўся 25 сакавіка 1922 г.у в. Мядзведня Чэрвеньскага раёна Мінскай вобласці.  Скончыў Віцебскі зоаветэрынарны інстытут па спецыяльнасці “ветэрынарны ўрач”, кандыдат ветэрынарных навук. З 1942 па 1944 г. – удзельнік партызанскага руху на Беларусі.

З 1944 па 1976 г. працаваў у сельскай гаспадарцы і ва ўстановах сярэдняй спецыяльнай адукацыі на розных кіруючых пасадах.  З 1976 па 1991 г. – старшы навуковы супрацоўнік БелНДІ эканомікі і арганізацыі сельскай гаспадаркі.

У гады Вялікай Айчыннай вайны прымаў удзел у баявых дзеяннях у складзе партызанскай брыгады ім. Шчорса, камандзір роты разведкі.

За баявыя і працоўныя заслугі перад краінай узнагароджаны ордэнам Працоўнага Чырвонага Сцяга і васьмю медалямі.